ئەمڕۆ شەممە ٢٤\٢\٢٠٢٤ لە مۆنۆمێنتی ڕاپەڕین لە ڕانیە، بەڕێز هیوا قەرەنی سەرپەرشتیاری ئیدارەی ڕاپەڕین بە یاوەری بەڕێزان حسێن محمود قائیمقامی قەزای ڕانیە و بەڕێوەبەری بەڕێوەبەرایەتی ئاسایشی ڕاپەڕین و بەڕێوبەری بەڕێوەبەرایەتی ڕۆشنبیری و هونەری ڕاپەڕین، پێشوازی کرد لە بەڕێزان جەیمس گۆڵدمان کونسوڵی گشتی بەریتانیا لە هەرێمی کوردستان و سەرباز بەرزنجی پارێزگاری لەندەن- لامبێس لە وڵاتی بەریتانیا.

سەرەتا لە مۆنۆمێنتی ڕاپەڕین تاجە گوڵینەی ڕێزو وەفایان لە گڵکۆی شەهیدان داناو دواتر سەردانی گەلەری بیرەوەرییەکانی ڕاپەڕینی ٥ی ئازاری ١٩٩١ یان لەناو مۆنۆمێنت کرد.