ئەمڕۆ سێ شەممە (١٣/٩/٢٠٢٢) بە ئامادەبوونى بەڕێزان بێگەردتاڵەبانى وەزیرى کشتوکاڵ و سەرچاوەکانى ئاو و هیوا قەرەنى سەرپەرشتیارى ئیدارەى ڕاپەڕین و ژمارەیەکى زۆر لە لێپرسراوانى حکومى و حیزبى و جوتیاران, یەکەمین ڤیستیڤاڵى بەرهەمەخۆماڵییەکان لە پارکى دەروازەى شارى ڕانیە کرایەوە.
لە ووتەیەکدا وەزیرى کشتوکاڵ بە گرنگیەوە باسى لە کردنەوەى ئەم جۆرە فیتسڤاڵانەکرد لە پێناو برەودان بەبەرهەمە خۆماڵیەکان و زیاتر ئاشناکردنیان بە هاوڵاتیان, لەم چوارچێوەیەشدا وەزیرى کشتوکاڵ پشتگیرى و پشتیوانى تەواوى خۆى دووپات کردەوە لەپێناو گرنگى دانى زیاتر بەم کەرتە
جێى ئاماژەیە ئەمە یەکەمین فیستسڤاڵى بەرهەمى خۆماڵى لە دەڤرەکە و تێیدا چەندین بەرهەمى ناوخۆى پێشکەش کرابوون و جوتیاران داوایان دەکرد حکومەتى هەرێمى کوردستان باشتر هاوکاریان بێت و ئاوریان لێبداتەوە و گرنگى زیاتر بە بەرهە ناوخۆییەکان بدرێت