لەسەر ڕاسپاردەی بەڕێز قوباد تاڵەبانی جێگری سەرۆکی حکومەتی ھەرێمی کوردستان و دوای هەوڵە بەردەوامەکانی بەڕێز هیوا قەرەنی سەرپەرشتیاری ئیدارەی سەربەخۆی ڕاپەڕین بۆ دەستپێکردنەوەی پڕۆژەی هۆڵی ڕۆشنبیری ڕانیە ، لە ئێستادا کارەکانی بەرەو تەواوبوون دەچێت.

بۆ ئەو مەبەستە ئەمڕۆ بەڕێز دلاوەر قوباد جێگری سەرپەرشتیاری ئیدارەی سەربەخۆی ڕاپەڕین بە یاوەری بەڕێز بەڕێوەبەری پڕۆژەکانی ئیدارە ، بەشە جیاجیاکانی هۆڵەکەیان بەسەرکردەوە .

بە تەواوبوونی ئەم هۆڵە خزمەتێکی بەرچاو بە بواری ڕۆشنبیری و هونەری و کۆبونەوە جەماوەریەکان دەکات.